Jan Aerdts 70 jaar lid van SVB

Onlangs werd  Jan Aerdts in de kantine nog gehuldigd vanwege zijn 70 jarig lidmaatschap van SVB.  Jan , trouwe bezoeker van de wedstrijden van Blerick 1, hiermee toegetreden tot het selectie gezelschap van Dragers van de golde SVB-speld mit briljant en inskripsie Ièrelid-70 jaor .

Jan proficiat namens alle SVB’ers.

Hieronder kunt een mooi portret lezen geschreven door erevoorzitter  Herman Hermsen tgv Jan’s 60 jarig jubileum.

 

 ( geschreven 10 jaar geleden

Jan Aerdts, vereinigingsman pur sang, is 72 jaor en op vandaag, waat vluug toch d’n tièd,

al weer 60 jaor lid van SVB.

Ózze jubilaris is 40 jaor actief voetballer gewaes en det hebbe d’r maar weinig Jan nao kinne doon.

As ald marinier kinse ouk zegge: “Old soldiers never die, they just fade away.”

Jan begós zien voetballoupbaan, det sprik van zelf, beej de jeug van SVB en kwaam in de

A-selektie.

Jan speulde rechs op ut middeveld en waas eine echte knoetser of stófzuùger en plaog veur idder taegestander.

Ziene ièfer en werklös brachte um tot ein vaste waerd veur ut elftal.

Maar baovenal had ózze inkelbièter dae idderein aan de ketting lag eine aom wie ut paerd

van Sinterklaos.

Waallich haet hae dao ziene naam aan te danke “de Schummel van Aerdts.”

Hae haolde zelf ut twieëde elftal aevel speulde houfzakelik in ut derde en veerde elftal.

De letste 15 jaor van zien actieve voetbalcarrière bouwde hae aaf beej zien geleefde Veterane

van Ald-SVB.

Taegelièker tièd speulde Jan kefee-voetbal beej “SM de Witte” wao hae inkele jaore geleeje

same mit de Jenne van Pieëters al zien 50-jäörig jubileum vierde.

Vanoèt “SM de Witte” richde Jan same mit eine gas vrinde in 1974 Hermenieke Gaer Gedaon op.

Ónder leiding van de zièr gewaardeerde kepélmeister Frits Stamfort speulde zeej mièr dan 25 jaor de schoeëns klinkende blaosmeziék.

Asse dien ganse laeve lang beej de Blièrickse Fietsefebriek Rih-Cové hebs gewerk, dan zaesse in diene vraeje tièd van eiges: “Iede wiede wietske, wao is mien fietske.”

De wets neet baeter en klumps same mit de Blièrickse Fietsvrinde in ut zadel.

As veurvraeter stónd Jan Aerdts heej jaore, beej binne- en boètelandse tourtochte, zien menke.

Ouk beej de Sjengeclub is Jan al tieëntallle jaore ein zièr actief lid, veural beej d’n bouw van de vastelaoveswage, stik hae gaer zien klevieëterkes oèt.

De zoeë ougeschienlik röstige schummel kin verdreid good oèt d’n hook kómme.

Meisterlik ware zien optraejes as Koos Albers same mit Corry Kónings ( Tiny Driessen).

Hae waas vastelaovesprins beej “SM de Witte” en ut zwarte Piet speule op de Blièrickse schoeële stónd ózze kunstmaeker op ut lief geschreve.

Dae sniekel makde ut zelfs vaerdig um beej ein zitting van “ut Blauwe Ei” as bisschop van Roeëme permentig in vol ornaat in de zaal te gaon zitte.

Vanaovend Jan bedanke weej dich veur al die jaore sportiviteit en trouwe deens aan SVB.

Veur dich as beloeëning de golde SVB-speld mit briljant.

Geneet d’r nog jaore mit hièl vuuël plezeer van.

 

You may also like...