Blierick Trap Aaf beej de Wortelepin !

Vastelaovesgezelschap ‘de Wortelepin’ organiseert 17 november a.s. ’n niej evenement. I.p.v. de Prónkzitting hebbe weej ‘ne aovend
met ’n gans andere opzet as in ’t verleje, met vuuel meziek en amusement, veur jónk en ald.

‘BLIERICK TRAP AAF’

Geej ziet as vereiniging ouk al jaore actief in ózze optoch en ’t levere van de Hoeëgheid of zelfs complete Trio’s.
Weej wille óg gaer betrekke bee dit niej evenement.

De roeëje draod van d’n aovend is netuurlik ’t aaftraeje van ’t Prinselik Trio.

’t Is gen zitting mier, ’t is wat Swaree-achtig, maar dan casual gekleid.

Wilt geej ós helpe um dit evenement mei van de grond te kriege?
Weej zette in op 500-600 bezeukers en hebbe de steun van ós Blierickse collega-vereiniginge hard nuuedig.
Zoelt geej via mail of website dit evenement ónder de aandach wille bringe van óg leje en/of teams?

Met dank veur óg hölp.
Gé Decker
Veurzitter V.G. de Wortelepin

You may also like...